Sae a contratación o alugueiro dos muíños do Parque de Barosa
Por Redacción
O goberno municipal de Barro saca a licitación o alugueiro dos muíños destinados á actividade hostaleira do parque da natureza Ría de Barosa. O contrato inclúe os tres muíños da parte máis baixa do parque.
O prazo para a presentación das ofertas e de toda a documentación é de vinte días naturais a partir do día seguinte á publicación do anuncio e a presentación das mesmas terá que ser obrigatoriamente a través de medios electrónicos a través da plataforma Vortal.
A forma de adxudicación do contrato de arrendamento será o concurso e poderán presentar ofertas todas as persoas naturais ou xurídicas que non estean incursas en prohibicións para contratar.
Para a adxudicación valoraranse distintos parámetros: a experiencia na xestión en proxecto similares; o proxecto de explotación e os medios técnicos e humanos que se adscribirán á actividade e o importe mensual ofrecido.
A duración do contrato será de dez anos e o orzamento base de licitación é de 800 euros mensuais.