A Fiscalía pide cinco anos de condena para un home acusado de abusar dunha muller mentres estaba durmida
Por Oskar Viéitez
A Sección Segunda da Audiencia de Pontevedra sinalou para o vindeiro xoves 10 de febreiro o xuízo contra un home para o que a Fiscalía solicita unha condena de cinco anos de cárcere por abusar sexualmente dunha muller mentres esta durmía.
O escrito de acusación do Ministerio Público relata que este home, na madrugada do 11 ao 12 de agosto de 2020, estivo no domicilio da vítima, en Pontevedra. Despois de estar ambos vendo a televisión, a muller quedou durmida vestindo un vestido curto, un short e bragas, estando tapada por unha saba.
Segundo o relato da Fiscalía, ao espertarse, a muller comprobou como o acusado tiña a man metida pola súa roupa interior e introducíalle os dedos na vaxina. Ela pediulle que se apartase, pero como o acusado non cesaba na súa actitude tívose que levantar para que parase. A continuación díxolle que se fose, marchándose este do seu domicilio.
Ademais da pena de cinco anos de prisión, a Fiscalía solicita ao tribunal que impoña ao procesado a prohibición de comunicarse por calquera medio ou achegarse a menos de cen metros da vítima por sete anos e tamén reclama outros tres anos máis de liberdade vixiada nos que non poderá achegarse nin comunicar con esta muller por este mesmo espazo de tempo.
Como indemnización reclama 6.000 euros.
O autor xa foi condenado por feitos que non afectan a esta causa a efectos de reincidencia.
Relacionadas:
-
O TSXG confirma a condena da Audiencia de Pontevedra a un home que tentou asasinar á súa muller
Por Redacción |
-
A Audiencia suspende un xuízo por abusos sexuais para chegar a un acordo co acusado
Por Raquel Currás Martínez |
-
Once anos de cárcere para os tripulantes do narcosubmarino e entre sete e nove para os colaboradores en terra
Por Alejandro Espiño | Creada e actualizada
-
A Fiscalía pide máis de 4 anos de prisión para un home por quebrantar unha orde de afastamento e propinar unha puñada á súa parella
Por Oskar Viéitez & Mónica Patxot |
-
Condenado a máis de nove anos de cárcere un veciño de Poio por maltratar e violar de forma continuada á súa esposa
Por Oskar Viéitez |