O PP esixe a Fouces "pedir perdón inmediatamente" por chamar "machirulos" a un grupo de traballadores municipais
Por Redacción
A concelleira do Partido Popular de Pontevedra Pepa Pardo solicitou á responsable municipal de persoal, Carmen Fouces, que se retracte das súas declaracións nas que cualificaba de 'machirulos' a un grupo de traballadores municipais ao entender que deixaran de lado as reivindicacións laborais optando "pola violencia, polos insultos e polos escraches".
"Queremos condenar os termos cos que Fouces dirixiuse aos traballadores do Concello. Xa está ben que desde a concellería de persoal se desprecie mañá, tarde e noite aos empregados municipais", defendeu este venres a representante popular.
Segundo Pardo "non se pode consentir que unha representante pública se exprese desta maneira", polo que "debe retractarse e pedir perdón inmediatamente", defendeu.
A representante do Partido Popular local adheriuse ademais á petición da Xunta de Persoal do Concello esixindo a dimisión de Fouces.
Relacionadas:
-
UGT e CCOO urxen a Lores que sente as bases de negociación para resolver o conflito laboral no Concello
Por Diana Eiras & Anxo Lourido |
-
O cualificativo "machirulos" de Fouces desencadea que a Xunta de Persoal esixa a súa dimisión inmediata
Por Redacción |
-
Fouces acusa os portavoces sindicais de intentar "derrubar" o goberno para "poñer aos seus"
Por Alejandro Espiño |