O Gran Montecelo terá 27 ascensores e 4 escaleiras mecánicas para desprazar 16.000 persoas cada hora
Por Redacción
A Xunta de Galicia vén de comunicar que o Hospital Público Gran Montecelo contará con 27 ascensores e 4 escaleiras mecánicas cunha capacidade para desprazar 16.000 persoas á hora. A intención é instalar 18 ascensores cunha capacidade de carga de 1.150 quilogramos e outros 9 con capacidade para 1.600.
Segundo avanzou o Goberno autonómico, na zona de maior tránsito, distribuidor central e accesos ás consultas externas, irán integrados equipos de última xeración con dous conxuntos de escaleiras mecánicas, un desde a planta baixa á primeira e outro desde a primeira á segunda.
O equipamento, ademais, incorpora desde conectividade remota, que mellora a eficiencia do servizo de mantemento, ata máquinas sen redutor, para optimizar os percorridos. Estas solucións de transporte vertical de última xeración que se instalarán no hospital teñen alta eficiencia enerxética que logran, coa incorporación dun variador de frecuencia rexenerativo, que a enerxía se devolva á rede eléctrica para o seu uso posterior.
Esta primeira fase das obras do Gran Montecelo contan cunha achega autonómica de máis de 130 millóns de euros. No seu conxunto, o Goberno galego investirá 155 millóns de euros para dotar Pontevedra e os veciños da área dun hospital renovado e de referencia.
Relacionadas:
-
A subministración de gas natural do Gran Montecelo xa está en funcionamento
Por Redacción |
-
A construción do vial perimetral do Gran Montecelo comezará en maio
Por Alejandro Espiño |
-
A estrutura do bloque cirúrxico e de urxencias do Gran Montecelo quedará rematada este mes
Por Redacción |
-
Xornada de portas abertas para futuros residentes no Hospital Montecelo
Por Redacción |
-
O alcalde non ve "nada novo baixo o sol" nos anuncios de Feijóo para Pontevedra
Por Alejandro Espiño |
-
O Gran Montecelo terá un aparcamento de pago e con prezos "asequibles"
Por Oskar Viéitez |
-
Núñez Feijóo compromete "máis e mellores servizos" para Pontevedra no aniversario do Foro Empresa
Por Redacción |
-
As obras do Gran Montecelo entran nunha nova fase: a construción da estrutura
Por Redacción |
-
O Concello urxe á Xunta a posta a disposición dos terreos para acometer as obras da vía perimetral de Montecelo
Por Redacción |
-
O material extraído das escavacións do Gran Montecelo rechea unha canteira na Ermida
Por Redacción |