Ollo á nova estafa por WhatsApp cos delicuentes facéndose pasar por un familiar en apuros
Por Redacción
Nova modalidade de estafa. Nesta ocasión, os investigadores da Policía Nacional comprobaron que os estafadores utilizan a aplicación WhatsApp para enganar ás vítimas.
O modus operandi realízase a través do contacto con mulleres ás que pretenden enganar facéndose pasar polos seus fillos. Solicitan de maneira urxente unha cantidade de diñeiro, alegando que ten que facer fronte a un problema inmediato.
O engano complétase porque os delincuentes indican ás vítimas que non é posible a comunicación directa co teléfono habitual debido a problemas coa terminal. Tamén alegan que é imposible recibir unha chamada.
Desta maneira, as vítimas acceden a realizar transferencias inmediatas e na conta en que lles piden que fagan o ingreso. Unha vez que se realiza a transacción e as persoas prexudicadas conseguen falar cos seus fillos reais comproban que foron vítimas dun engano e xa non poden cancelar a transferencia.
A Policía Nacional afirma que nas últimas semanas se detectaron diversas estafas en varios puntos de España. Os delincuentes lograron defraudar cantidades que se moven entre os 2.000 e os 26.000 euros.
Por este motivo, desde a Comisaría Provincial advirten de que, en caso de recibir unha mensaxe deste tipo por WhatsApp, a vítima non perda a calma e evite facer algún pago ata que non comprobe que a persoa que contacta con ela é realmente un familiar.
Relacionadas:
-
Non respondas á mensaxe cando fagan esta pregunta: "me puedes hablar por whatsapp?"
Por Redacción |
-
Alerta en Pontevedra tras unha estafa de 3.000 euros a unha anciá nunha venda a domicilio
Por Redacción |
-
As ciberestafas continúan a crecer na provincia
Por Redacción |
-
Condenado un estafador que pasou unhas vacacións de luxo nas Rías Baixas sen pagar
Por Natalia Puga |