A Plataforma SOS Sanidade Pública reclama un aparcamento disuasorio gratuíto xunto ao Gran Montecelo
Por Oskar Viéitez
A Plataforma SOS Sanidade Pública reclama á Xunta que Galicia que habilite un aparcamento público disuasorio e gratuíto xunto ao Hospital Gran Montecelo.
Nunha rolda de prensa celebrada este martes, o presidente da Federación de Asociacións de veciños 'Castelao', Juan Manuel Loureiro, explicou que para "acurtar os prazos" a administración autonómica podería aproveitar a actual declaración de incidencia supramunicipal do proxecto sectorial para a ampliación do Hospital Gran Montecelo de Pontevedra.
Os responsables de SOS Sanidade Pública viron como se confirmaban as súas sospeitas despois de que o presidente da Xunta, Alberto Núñez Feijóo, anunciase en Pontevedra a construción dun aparcamento de pago que terá "prezos asequibles".
Feijóo tamén apuntou que decidiu impulsar ese estacionamento despois de que o Concello de Pontevedra "non dixese nada" sobre a posibilidade de habilitar terreos para un aparcamento.
A Plataforma SOS Sanidade Pública expresou a súa preocupación por esta fórmula de pago polo custo engadido para os usuarios que o fan "inviable para as familias" e argumentou que "buscar alternativas é bastante fácil".
HOSPITAL PROVINCIAL
Nesta mesma rolda de prensa os portavoces da SOS Sanidade Pública compartiron a súa preocupación polo futuro do Hospital Provincial, queren que manteña os usos sanitarios algo que non ven garantido.
Relacionadas:
-
Chamamento aos marinenses para asistir á concentración pola sanidade pública o 28 de abril
Por Redacción |
-
A estrutura do bloque cirúrxico e de urxencias do Gran Montecelo quedará rematada este mes
Por Redacción |
-
O Gran Montecelo terá un aparcamento de pago e con prezos "asequibles"
Por Oskar Viéitez |