A música, ferramenta para a inclusión de rapaces con síndrome de Down
Por Redacción
Entre os dez e os vinte e un anos teñen os sete rapaces que, desde o pasado mes de marzo, participan nun obradoiro que busca contribuír dende a educación musical á inclusión nas aulas do alumnado con discapacidade intelectual.
Todos eles son usuarios da asociación Down Pontevedra Xuntos, que participan nesta iniciativa da Facultade de Ciencias da Educación e do Deporte e que é impartida por Marlene Armentero, docente especializada en Educación Musical.
O obradoiro está dirixido a achegarlles aos participantes unhas primeiras nocións de linguaxe musical á vez que desenvolven actividades centradas no desenvolvemento motriz e auditivo.
Estruturado en doce sesións, o propósito deste taller é ofrecer a este grupo de rapazas e rapaces un achegamento á música desde a igualdade de oportunidades, favorecendo que desenvolvan unha educación musical adaptada ás súas capacidades e necesidades individuais.
Trátase, explica a súa responsable, dun curso estruturado en tres bloques, "un de elementos básicos da linguaxe musical, que estamos reforzando este curso, outro de desenvolvemento motriz e un terceiro de desenvolvemento auditivo".
Nos tres casos, engloba diferentes actividades que combinan a música coa pintura, a lectura ou as matemáticas e que toman como referencia o caderno Mi, Re, Do, que Armentero deseñou inicialmente para a ensinanza musical en idades temperás.
Ese traballo levouno despois aos nenos e nenas con discapacidade intelectual, "cos que me estou a levar unha moi grata sorpresa", asegura a responsable do taller.
Relacionadas:
-
'#NoSomosUnEstereotipo, somos mucho más',' a campaña para combater os prexuízos das persoas con síndrome de Down
Por Alba Feijoo Alonso |
-
Froiz contrata catro persoas da bolsa de emprego de Xuntos para a campaña de Nadal
Por Redacción |
-
A "escola de vida" máis divertida, motivadora e inclusiva
Por Manu Otero & Mónica Patxot |
-
Photocall pola inclusión das persoas con Síndrome de Down
Por Redacción |
-
Tanatorio San Marcos, Distribuciones Froiz e Matriuska Producciones colaboran na inserción laboral de persoas de Down Xuntos
Por Redacción |
-
"Baixo o mesmo paraugas" para reivindicar os dereitos das persoas con discapacidade
Por Mónica Patxot & María José Pita |