Detido un home por pegar a un menor para roubarlle o teléfono móbil
Por Oskar Viéitez
Axentes da Policía Nacional procederon á identificación e detención dun individuo, veciño de Pontevedra, de 24 anos de idade, con antecedentes policiais, como presunto autor dun delito de roubo con violencia. Os feitos sucederon sobre as 19:40 horas do día 9 de novembro.
Segundo consta no denuncia presentada en Comisaría, un individuo achegouse á un grupo de tres menores de idade nos xardíns de Vicenti esixíndolles que lle entregasen os seus teléfonos.
Un dos nenos, ao sentirse intimidado por este home entregoulle o teléfono mentres que outro dos menores saíu correndo do lugar sendo perseguido polo individuo ata que logrou alcanzalo. Este suxeito comezou a golpear o menor ata que conseguiu arrebatarlle o teléfono.
Os labores de investigación iniciados polos axentes da Comisaría Provincial de Pontevedra conseguiron localizar este individuo o día 15 de novembro sobre as 11.45 horas da mañá procedendo á súa identificación e detención por un delito de roubo con intimidación.