Cubela recolle firmas de cesión de terreos para que a Deputación acometa "de inmediato" as obras en Fondós-Bugarín
Por Redacción
O Concello de Cerdedo-Cotobade realizou entre a veciñanza unha recollida de sinaturas das cesións necesarias co fin de axilizar o expediente para executar a obra de mellora da estrada entre Fondós e Bugarín.
O alcalde, Jorge Cubela, agradeceulles a súa colaboración para a cesión de terreos en 71 fincas e anunciou que as sinaturas serán trasladadas "de inmediato" á Deputación para que ensanche e mellore este tramo de un quilómetro.
"Unha vez rematado este proceso, agardamos que o ente provincial acometa as obras canto antes e se dea por finalizado este proceso que xa se alonga demasiado no tempo", explicou.
Este tramo de estrada ten 4 metros de ancho pero agora, despois de chegar a un consenso entre a veciñanza, pasará a ter unha amplitude de 7 metros.
Relacionadas:
-
Cubela presume de recoller en tempo récord a cesión veciñal de 69 leiras afectadas pola ampliación dunha estrada
Por Redacción |
-
A Deputación presenta á veciñanza o proxecto que acometerá da estrada de Quireza cando concello ceda os terreos
Por Redacción |
-
A Deputación insta a Cubela a que entregue os terreos para iniciar as obras nas estradas de Almofrei e Quireza
Por Oskar Viéitez |
-
Jorge Cubela pide reunirse coa Deputación para axilizar a mellora da estrada Fondós-Bugarín
Por Redacción |