O campus de Pontevedra conmemora o 20 aniversario do Programa Universitario de Maiores
Por Redacción
Ao longo de dúas décadas, 255 alumnos e alumnas formáronse no campus de Pontevedra no Programa Universitario de Maiores (PUM), que este venres celebrou na Escola de Enxeñería Forestal o primeiro dos actos conmemorativos do seu 20 aniversario.
Ademais 73 docentes participaron no mesmo en todo este tempo.
Parte desa comunidade, con profesores e alumnado de diferentes promocións presente, estivo presente nun acto que contou coas intervencións do vicerreitor do campus en funcións, Jorge Soto; a directora da aula Aberta de Formación Permanente (EAFP), o concelleiro de Benestar Social, Marcos Rey, e a presidenta da asociación de alumnado sénior do campus, Gloria Prieto, así como coa actuación do grupo de zanfonas da aula de Música Tradicional do campus e cos discursos de José María Fernández e Patricia Vilán.
Un programa formativo que rompe barreiras e no que os seus estudantes chegáronse a converter nun "exemplo de ousadía, esforzo e vontade por seguir formándose e superándose", sinalou o vicerreitor.