Un espectáculo cheo de cor de Pablo Méndez para celebrar o Orgullo LGTBIQ+ en Sanxenxo
Por Redacción
A este domingo 26 de xuño adiantará o Concello de Sanxenxo a conmemoración do Día do Orgullo LGTBIQ+. Será coa actuación da compañía de Pablo Méndez, que despregará un colorido espectáculo a Rúa dos Viños de Portonovo.
O espectáculo Little Garden encherá de fantasía as rúas da vila a partir das 13:30 horas.
A actuación enmárcase dentro das accións do Centro de Información á Muller (CIM) para promover o respecto, a igualdade e visibilización das distintas orientacións sexuais e identidade de xénero.
Os locais da Rúa dos Viños que participen nesta celebración regalarán pulseiras multicor por cada consumición e a rúa engalanarase con bandeiras arcos da vella.
Ademais, Arelas, a asociación formada por familias de nenos, nenas e adolescentes trans, dispoñerán dun espazo informativo en celebración para que o que o desexe poida acudir.
O Concello de Sanxenxo quere mostrar así o compromiso institucional coa diversidade e a liberdade afectivo sexual corporal e de xénero.
Relacionadas:
-
Marín reivindica o amor diverso, libre e tolerante
Por Redacción |
-
Os xardíns de Pontevedra exhiben o seu Orgullo e xa pensan no novo contrato de mantemento para xullo
Por Natalia Puga & Mónica Patxot |
-
A Festa do Orgullo sae ás rúas de Pontevedra para lembrar que ningunha conquista é irreversible
Por Redacción |
-
O Orgullo LGBTIQ+ regresa a Bueu cunhas novas xornadas pola diversidade afectiva e sexual
Por Redacción |
-
"Ambienta", a mostra de cine LGBTIQA+, volve á praza da Pedreira a última semana de xuño
Por Redacción |