Xornada de colapso no PAC da Parda
Por Diego Espiño
Xornada complicada a deste sábado 25 de xuño no Punto de Atención Continuada (PAC) da Parda.
Durante parte da mañá o centro de saúde quedou sen médicos ao ter que acudir dous facultativos a senllas atencións domiciliarias, o que provocou a saturación do PAC e longas esperas entre os pacientes que alí se atopaban ou que chegaban ás instalacións buscando atención.
"Hai cola na porta para coller cita e dentro hai tanta xente que non cabe máis e temos que esperar fóra", explicaron pacientes afectados.
Algúns enfermos de feito, ante o panorama, decidiron abandonar A Parda sen ser atendidos.
Varias circunstancias contribuíron tamén á saturación, ao ser o venres unha xornada festiva sen atención primaria nos centros de saúde xunto á onda de virus comúns que está a afectar á poboación desde que se decretase o fin da máscara obrigatoria.
Relacionadas:
-
A CIG denuncia que os PAC da Parda e Baltar non contaron con médico en Noitevella mentres se contrataban ambulancias externas
Por Redacción | Creada e actualizada
-
Manifestación este domingo en Ponte Caldelas ante a "insostibilidade do centro de saúde"
Por Redacción |
-
Alertan de que o "colapso" de atención primaria afecta a Montecelo, que vive un "caos"
Por Redacción |
-
Médicos de urxencias alertan de saturación, con "pacientes máis complexos" e picos de 220 diarios en Montecelo
Por Natalia Puga & Diana Eiras |
-
Trece centros de saúde da área reforzaranse con 21 das 106 prazas de médico de Atención Primaria que convoca a Xunta
Por Redacción |