Cubela traslada o seu malestar ao Sergas pola ausencia de atención médica no centro de saúde de Cerdedo
Por Redacción
Jorge Cubela, alcalde de Cerdedo-Cotobade, súmase ás críticas realizadas por Ernesto Filgueira, do BNG, durante as últimas horas ante a situación que sofre a veciñanza pola ausencia periódica de atención médica no centro de saúde de Cerdedo. O rexedor recoñece que este problema causa graves molestias aos pacientes deste centro sanitario.
Cubela mostra a súa preocupación porque non haxa facultativos de reserva que poidan realizar suplencias nos casos en que os médicos titulares atópense de baixa ou de vacacións. Por este motivo afirma que se puxo en contacto con responsables do Servizo Galego de Saúde para mostrar o seu malestar.
Manifesta que a solución do Sergas consistente en que os pacientes se trasladen a outro consultorio próximo non é unha opción axeitada por varios motivos: poucas posibilidades de comunicación, conectividade no transporte público e dispoñibilidade das persoas usuarias para percorrer quilómetros de ida e de volta para recibir asistencia médica.
En todo caso, Jorge Cubela considera que a culpa corresponde ao Goberno central ao non permitir que se formen máis facultativos de cada vez a pesar de que existe unha "clara demanda" tanto en Galicia como na maioría de comunidades autónomas.
Reclama unha solución adecuada para atender os problemas sanitarios e ofrece a colaboración do Concello para atopar unha alternativa que resolva "esta situación incómoda e reiterada no tempo", expón o alcalde.
Relacionadas:
-
Novas críticas sobre a situación sanitaria: un só médico dará cobertura os centros de Carballedo e Tenorio
Por Redacción |
-
Preocupación ante a eventualidade laboral á que se enfrontan médicas de Urxencias en Montecelo
Por Redacción |
-
CESM advirte da presenza doutros 26 pacientes en Urxencias á espera de cama en Montecelo
Por Redacción |
-
Nova denuncia de falta de médico no centro de saúde de Cerdedo
Por Redacción |
-
A Xerencia da área sanitaria insiste na dispoñibilidade do 100% das camas hospitalarias durante o verán
Por Redacción | Creada e actualizada
-
Jorge Cubela reclama ao Sergas unha solución ás ausencias do persoal médico en Cerdedo
Por Redacción |
-
"O Sergas quérenos así", de xeonllos e traballando 48 horas seguidas
Por María José Pita |