O Teatro Principal, rumbo a unha reforma integral que Pontevedra busca financiar en Europa
Por Alejandro Espiño
O Teatro Principal, tras varios meses pechado por obras, reabrirá as súas portas o próximo 5 de setembro. Farao para acoller as proxeccións dunha nova edición do ciclo Amal en Ruta. Pero en carteira do goberno municipal está seguir mellorando estas instalacións.
Será, se se cumpren as previsións do Concello, é tres fases. A primeira é consecuencia da crise da construtora pontevedresa Acevi, que deixou a reforma prevista a medio facer.
Nuns días comezará as obras de urxencia que se contrataron para poder reabrir as instalacións. Co oco do futuro ascensor xa tapado provisionalmente, farase un novo baño e levará a cabo unha limpeza industrial de todo o complexo.
Ademais, haberá que volver colocar as butacas que foran retiradas polas obras.
De maneira paralela, o Concello traballa na licitación dos traballos que a construtora deixou pendentes, especialmente a construción do ascensor, o segundo baño e outras cuestións relacionadas coa accesibilidade do Principal.
Esta segunda fase, segundo a edil de Cultura, Carmen Fouces, poderase ir executando aos poucos, de forma que non se altere a programación cultural prevista, aproveitando para avanzar nos traballos os días nos que non haxa actividade programada.
Pero a idea de fondo na que traballa o goberno municipal é recorrer a fondos europeos, concretamente á convocatoria do Programa de Impulso á Rehabilitación de Edificios Públicos (PIREP) de entidades locais para acometer reformas "máis substanciais".
Sería unha reforma integral de todo o Principal, principalmente pensada para mellorar a eficiencia enerxética de todas as instalacións -salvo a iluminación que xa se cambiou integramente a LED- e que, ademais, incluiría a renovación completa de todo o patio de butacas.
A este proxecto, que xa está a ser redactado para poder presentalo á convocatoria dos fondos europeos, sumaríaselle un segundo proxecto, aínda por definir, que permitiría acceder a este mesmo programa de subvencións para reformar o Pazo da Cultura e o Recinto Feiral.
Relacionadas:
-
O PP denuncia o "inadmisible" estado do Teatro Principal, con humidades, butacas rotas e mala accesibilidade
Por Natalia Puga & Oskar Viéitez & Mónica Patxot |
-
Reformar o Pazo, o Principal e o Municipal é "irrenunciable" para o Concello
Por Alejandro Espiño |
-
Pontevedra estreará en 2023 un ciclo de danza que incluirá unha residencia artística
Por Alejandro Espiño |
-
O Pazo e o Recinto queren ser unha 'illa enerxética' e autoabastecerse con renovables
Por Alejandro Espiño |
-
Os plenos municipais regresarán ao Teatro Principal o 19 de setembro
Por Alejandro Espiño |
-
O Concello prepara un "contrato ponte" para o servizo de limpeza do Teatro Principal, Pazo da Cultura e Recinto Feiral
Por Oskar Viéitez |
-
O Teatro Principal poderá reabrir ao público en setembro, pendente aínda de rematar as obras de reforma
Por Natalia Puga |
-
A crise de Acevi obriga a reformular tres obras en Pontevedra, entre elas a do Teatro Principal
Por Alejandro Espiño |