Morre unha balea que quedou varada no porto de Combarro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Unha balea morreu este martes tras quedar varada no porto de Combarro, en plena ría de Pontevedra. O animal quedou atrapado coa marea baixa e non puido saír cara ao mar.
A pesar do operativo de rescate, que se activou sobre as nove da mañá, nada se puido facer por salvar a vida do animal, que xa foi retirado da zona.
A balea, duns seis metros de longo e dúas toneladas de peso, foi atopada cando estaba a golpear as dársenas do porto, incapaz de saír de alí.
Veciños e mariñeiros de Combarro colaboraron co dispositivo despregado para rescatar ao animal, pero non foron capaces de liberalo.
Expertos da Coordinadora para o Estudo dos Mamíferos Mariños (CEMMA) acudiron ao lugar para retirar o cadáver da balea -que presentaba numerosos golpes e arañazos- e aclarar as causas da súa morte.
Relacionadas:
-
Persoal do Cemma estuda o corpo dunha balea varada na Illa de Arousa
Por Redacción |
-
Unha balea e dous golfiños mortos aparecen nas praias da Lanzada e Bascuas
Por Manu Otero |
-
O IGAFA da Illa de Arousa acolle á tartaruga Nemiña para a súa recuperación
Por Redacción |
-
Atopan en Arousa unha quenlla dunha especie nunca vista ata o de agora en Galicia
Por Redacción |