Carabuxeira, Silgar, Baltar, Caneliñas e Punta Vicaño están vixiados polos "Sentinelas do Mar"
Por Redacción
Carabuxeira, Silgar, Punta Vicaño, Baltar e Caneliñas son obxectivo estes días do grupo "Sentinelas do Mar", un campo de voluntariado centrado no coidado ambiental, localización de residuos e recollida dos mesmos en embarcacións tipo kaiak e táboas de pádel surf.
A actividade enmárcase dentro dos campamentos que realiza a Xunta de Galicia a través da área de Xuventude, Participación e Voluntariado e que, por primeira vez, realízase en Sanxenxo. En total son 15 mozos, de entre 18 e 27 anos, procedentes de distintos puntos de España, os que participan neste campo que deu comezo este sábado e estenderase ata o vindeiro martes, 16 de agosto.
O concelleiro de Deportes, Xuventude e Servizos Sociais, Daniel Arousa, recibiu aos mozos e monitores este luns na Casa de Don Fernando para darlles a benvida ao municipio, agradecerlles o seu labor e convidarlles a coñecer o concello.
O director do campo, Xabi López, sinalou que "tratarase de poñer en valor o patrimonio natural deste concello que xa é líder en bandeiras azuis e ten moito camiño andado". Realizaranse campañas de sensibilización e intervencións nas praias máis próximas ao pavillón de Baltar que é onde se están aloxando. "Faise nestas praias porque non queremos usar medios de transporte convencionais e son as que nos quedan máis preto para poder ir camiñando", explicou.
Entre as actividades máis rechamantes será a da inspección dos fondos mariños de Punta Vicaño a través dun dron acuático durante a tarde do mércores, entre as 16:30 e 19:30 horas. O dron permitirá coñecer o estado dos fondos e se é preciso actuar, colocaránselle uns brazos que posibilitará retirar residuos.
Relacionadas:
-
O Concello renova o valado de protección dunar da Praia de Major
Por Redacción |
-
RADIO.- Estás na costa e tes un smartphone? podes ser un "valiosísimo" cidadán para estes investigadores
Por Marisa Ciordia |
-
Buscan "sentinelas da costa" para rexistrar os cambios no litoral das Rías Baixas
Por Redacción |
-
O Centro de Interpretación de Agrelo acolle un proxecto de voluntariado sobre a evolución dos areais
Por Redacción |