Costa e Cubela piden a Ethel Vázquez ampliar a 7 metros a plataforma viaria da PO-230
Por Redacción
Ethel Vázquez, conselleira de Infraestruturas e Mobilidade, recibía este xoves a Carlos Costa e Jorge Cubela, alcaldes de Campo Lameiro e Cerdedo-Cotobade, para analizar a actuación prevista pola Xunta coa intención de mellorar a estrada PO-230, que une Praderrei en Campo Lameiro coas localidades de Fentáns e Serrapio do concello veciño.
Esta obra sairá en breve a exposición pública, segundo indicou a conselleira. que tamén recoñeceu que se efectuará por fases. Os alcaldes coincidiron en solicitar a eliminación de varias curvas para evitar o actual trazado sinuoso da estrada.
Ademais solicitaron á Xunta de Galicia que estableza dous carrís de tres metros cada un e medio metro en cada beiravía para que se converta nunha zona cunha plataforma de sete metros que permita garantir a seguridade neste tramo que une os dous municipios.
A conselleira indicou que a intención destes traballos será facilitar a comunicación entre os núcleos rurais de Praderrei, Parada, San Isidro, Fornelos, Fentáns e Serrapio, ademais doutras localidades próximas, coa intención de que mellore a conexión coa estrada nacional N-541, que acumula a mobilidade da veciñanza da zona cara a Pontevedra e tamén cara á provincia de Ourense.
Os dous alcaldes esperan que esta obra mellore a comunicación interior en cada un dos concellos como en ligazón coa capital da provincia.
Relacionadas:
-
Cubela pide á Xunta a eliminación de varias curvas na reforma da estrada PO-230
Por Redacción |
-
A centenaria Amanda Durán preside a comida da terceira idade de Campo Lameiro
Por Redacción |
-
A Comunidade de Montes de Fentáns quere poñer en valor a ruta de sendeirismo entre a ponte e a Capela de Lixó
Por Redacción |
-
A Xunta construirá unha senda peonil na estrada PO-230, en Campo Lameiro
Por Redacción |
-
Costa e Cubela solicitan á Xunta a continuidade de mellora da PO-230 entre Praderrei e Serrapio
Por Redacción |
-
Reapertura ao tráfico na PO-230 Serrapio-Vichocuntín este sábado tras 45 días en obras
Por |