Medidas contra a praga do picudo nas palmeiras de Marín
Por Redacción
O Concello de Marín ten en marcha unha nova fase do tratamento para evitar a praga do picudo que afectou a gran parte da poboación de palmeiras galegas nestes últimos anos, con especial impacto nesta localidade pontevedresa.
A concelleira de Parques e Xardíns, Cristina Acuña, informou esta semana do tratamento que se leva a cabo cada ano para evitar que esta praga do picudo mate os exemplares.
Este tratamento integral contra o picudo vermello lévase a cabo en Portocelo, na Alameda, no Parque Eguren e no Parque Azul, onde hai exemplares de palmeira canaria.
Dentro do tratamento, lévanse a cabo varios procesos. Por unha banda, practícase a cada exemplar a endoterapia, un tratamento de inxeccións no tronco a principios da primavera.
Cando chega o verán aplícase un tratamento fitosanitario de reforzo consistente nunha "ducha química" cunha serie de produtos autorizados para as palmáceas.
Neste momento do ano, cando vai entrando o outono, repítese este segundo paseo con nematodos, un produto que serve de antíxeno biolóxico contra esta praga.
Relacionadas:
-
Investimento de 5.000 euros para evitar que o picudo ataque as palmeiras marinenses
Por Redacción |
-
As palmeiras do Paseo Alcalde Blanco serán recolocadas en Cantodarea
Por Redacción |
-
Retiran dúas palmeiras de Portocelo debido ao picudo
Por Redacción |
-
Tallan outra palmeira afectada polo picudo na Avenida de Ourense
Por Redacción |
-
O picudo acaba coas palmeiras da Avenida de Ourense
Por Redacción |