A pedra da Ferrería convértese nun retrato do carballo de Santa Margarida
Por Cristina Saiz
O carballo de Santa Margarida foi desde fai centos de anos unha fonte de inspiración para os artistas. Existen innumerables retratos desta árbore, realizados ao longo de diferentes séculos e desde disciplinas, técnicas e temas diversos.
Debuxos como os de Adolfo Vázquez Vidal ou Sobrino, paisaxes como os de Canitrot ou o costumismo de Castelao permitíronnos seguir a evolución desta árbore singular a través da súa historia e das historias daqueles que o teñen inmortalizado.
O carballo de Santa Margarida, candidato a "Árbore do ano 2023", é unha icona viva da cidade de Pontevedra. É unha árbore que foi testemuña das vidas de centos de xeracións.
Por iso este sábado, desde as once da mañá e ata as sete da tarde, os impulsores do proxecto "Escrita con zume", a Asociación cultural Robus Robur da man do IES Luís Seone, animaron á cidadanía para participar nunha obra colectiva, efémera e participativa.
Unha experiencia artística que converteu a fría pedra da Praza da Ferrería nun novo retrato deste ilustre carballo pero que, esta vez, non saíu das mans expertas dun único artista, senón dos trazos dunha comunidade.
O carballo de Santa Margarida é un dos nove árbores do Estado español que compiten por representar a España na elección da Árbore Europea do Ano 2023.
As votacións están abertas a toda a cidadanía ata o próximo 10 de decembro.
Relacionadas:
-
Xeran unha imaxe tridimensional do ser vivo máis antigo de Pontevedra
Por Redacción |
-
Dous 'fillos' do carballo de Santa Margarida crecerán no campus da Xunqueira
Por Redacción |
-
Activismo no Culturgal a favor do carballo de Santa Margarida
Por Mónica Patxot & María José Pita |
-
O Concello apoia a candidatura do carballo de Santa Margarida a Árbol Europeo do Ano 2023
Por Redacción |
-
O carballo de Santa Margarida necesita a túa axuda: quere ser Árbore Europea do Ano 2023
Por Alejandro Espiño |
-
Intervención urxente para reducir o sobrepeso do carballo de Santa Margarida
Por Redacción |