Compromiso para que o 100% das vivendas de Cerdedo-Cotobade teñan fibra óptica este ano
Por Redacción
O alcalde de Cerdedo-Cotobade, Jorge Cubela, anunciou este martes que acaba de chegar a un compromiso coa empresa Movistar para que ao longo deste ano 2023 cubra o 100% da demanda de fibra óptica no municipio.
Segundo sinalou, tendo en conta que o despregue da fibra óptica estase a desenrolar "dun xeito moi rápido" no concello, ten o compromiso firme de Movistar de que chegará todas as parroquias e lugares de Cerdedo-Cotobade este ano. Mesmo hai posibilidade de que sexa xa na primeira metade de ano.
Este servizo permitirá rematar cos problemas de illamento que algunhas poboacións mantiñan ata o de agora, sufrindo un alto risco de sufrir unha fenda tecnolóxica.
Cubela tamén deu a coñecer que manterá en breve unha serie de xuntanzas veciñais en todas as parroquias do municipio para recoller as demandas e as solicitudes de alta para contar con fibra óptica en todos os domicilios.
Estas reunións vanse facer coa intención de recoller calquera queixa e problema neste sentido e poder darlle a solución satisfactoria e axeitada.
Cubela explica que "son moitas as dificultades que as empresas subcontratadas están pondo a moitos veciños en lugares onde en teoría xa poderían conectarse", por iso é polo que o Goberno municipal decidiu ser proactivo e canalizar todas estas suxestións a través das reunións.
Relacionadas:
-
Crece o interese en Cerdedo-Cotobade por sumarse á extensión da fibra óptica
Por Redacción |
-
Os veciños de Carballedo estrean a rolda de encontros para programar a instalación da fibra óptica
Por Redacción |
-
Jorge Cubela retoma as xuntanzas veciñais para mellorar a calidade de vida do municipio
Por Redacción |
-
Comeza a instalación de fibra óptica en diversos lugares de Cerdedo Cotobade
Por Redacción |