Os veciños de Carballedo estrean a rolda de encontros para programar a instalación da fibra óptica
Por Redacción
Ao redor de 80 veciños e veciñas de Carballedo e Rebordelo foron os primeiros en coñecer os plans para a instalación, este mesmo ano, da rede de fibra óptica en Cerdedo-Cotobade.
Nun encontro celebrado no Centro Cultural Antonio Fraguas, o alcalde Jorge Cubela recolleu ademais peticións e demandas dos veciños.
Cubela estivo acompañado polo tenente de alcalde Fernando Vázquez, o concelleiro Bruno Portela e a responsable de Movistar para a implantación da fibra óptica no municipio.
O compromiso adquirido por parte da empresa de telecomunicacións é instalar a nova rede da internet de alta velocidade ao longo deste mesmo ano cun 100% de cobertura, o que acabaría cos problemas de illamento que sufrían algúns núcleos.
Tras este encontro seguiranlle outros nas casas do pobo de Viascón (xoves 12), Sacos e San Xurxo (13 xaneiro), Almofrei e Borela (luns 16), Corredoira e Caroi (17 xaneiro), Cerdedo (18 xaneiro), Pedre e Folgoso (día 19), Tomonde e Quireza (día 20), Valongo e Loureiro (luns 23), e en Aguasantas (martes 24).
Relacionadas:
-
O BNG insta ao Concello de Cerdedo-Cotobade a garantir que a fibra óptica chegue a todo o municipio
Por Oskar Viéitez |
-
Renovación integral na Casa do Pobo de Almofrei para mellorar a eficiencia enerxética
Por Redacción |
-
Cerdedo-Cotobade inclúe con urxencia no Plan Concellos a mellora dunha estrada en Aguasantas
Por Redacción |
-
As axudas do Goberno permitiron que a conexión a internet de alta velocidade chegase a 40.289 fogares e empresas de Pontevedra
Por Redacción |
-
O illamento telefónico de Borela ten os días contados: a semana próxima unha torre solucionarao
Por Redacción |
-
Crece o interese en Cerdedo-Cotobade por sumarse á extensión da fibra óptica
Por Redacción |
-
Compromiso para que o 100% das vivendas de Cerdedo-Cotobade teñan fibra óptica este ano
Por Redacción |