O PP pide que se permita o acceso aos pais aos adestramentos dos seus fillos nas canchas da Xunqueira
Por Redacción
O concelleiro do Partido Popular de Pontevedra, Guille Juncal, solicitou que se permita o acceso aos pais ás instalacións deportivas Manolo Barreiro para seguir os adestramentos dos seus fillos nas canchas da Xunqueira.
Nas instalacións da Xunqueira aínda rexe a norma que non permite o acceso aos acompañantes, unha situación que é, para Juncal, "un agravio comparativo entre os clubs que adestran nestas instalacións e os que o fan noutras distintas, onde esta prohibición non opera".
O PP entende que esta medida "non ten base legal algunha" debido a que "parte dunha decisión arbitraria da Concellería de Deportes e que non se viu materializada en ordenanza, decreto ou bando algún".
O grupo municipal do PP demanda explicacións por parte do concelleiro de Deportes, Tino Fernández, "sobre o porqué desta prohibición e, igualmente, sobre os motivos que lle levan a aplicar a devandita prohibición só nunha instalación e non en todas elas".
Finalmente o PP reclama ao Concello de Pontevedra que "reverta esta prohibición arbitraria e inxusta".
Relacionadas:
-
O PP considera "intolerable" que se impida ao público o acceso aos adestramentos nalgunhas instalacións deportivas
Por Redacción |
-
Tino Fernández, sobre a non entrada de pais e nais aos partidos de base: "Son ganas de leria por parte dalgúns"
Por Diego Espiño |
-
Pais e nais condenados, polo momento, a ver os partidos dos seus fillos desde a rúa
Por Diego Espiño | Creada e actualizada