Pontevedra recupera a "procesión da Borriquiña"
Por Oskar Viéitez
A Xunta Coordinadora da Semana Santa de Pontevedra comezou as reunións para preparar esta conmemoración cristiá anual da paixón de Cristo, establecendo un plan de traballo coordinado con todas as confrarías implicadas, escoitando propostas, necesidades e realizando unha análise pormenorizada dos preparativos.
O pregoeiro deste ano será o arcebispo Julián Barrio, o 15 de marzo, ás 20.00 horas, no Liceo Casino de Pontevedra.
Prevese que apenas haxa cambios nos itinerarios e organización das procesións e, unha vez pasados os problemas pola pandemia, recuperarase este ano a tradicional Bendición de Palmas no atrio de San Francisco o Domingo de Ramos, así como a procesión de Jesús entrando en Xerusalén, coñecida como "a procesión da Borriquiña" e suspendida desde o ano 2019.
A Xunta Coordinadora irá comunicando os diferentes actos que se programarán co obxectivo de "enxalzar máis, se cabe, a Semana Santa pontevedresa".
Relacionadas:
-
O Papa nomea arcebispo de Santiago a Francisco Prieto ao renunciar Julián Barrio por idade
Por Oskar Viéitez |
-
Pontevedra, preparada para unha Semana Santa que estreará unha nova procesión
Por Redacción |
-
Máis de 2.000 diocesanos marcaron por primeira vez a casa da Igrexa na Declaración da Renda
Por Oskar Viéitez |
-
Pontevedra acode á súa cita anual co Nazareno
Por Redacción |