Atopan o corpo sen vida dun home desaparecido en Ponte Sampaio
Por Oskar Viéitez
Os Bombeiros de Pontevedra localizaron esta noite o corpo sen vida dun home duns 77 anos de idade, veciño da parroquia de Ponte Sampaio.
Foi a filla do falecido quen deu a voz de alarma ante a súa desaparición sobre as 17.00 horas do luns.
Segundo informaron os Bombeiros de Pontevedra, atoparon o cadáver entre unhas pedras na beira do río Verdugo, a uns cen metros da praia fluvial de Ponte Sampaio.
Ademais dos Bombeiros no operativo de procura participaron axentes da Policía Nacional e da Local e voluntarios de Protección Civil de Pontevedra e de Soutomaior.