O PP responsabiliza a Lores de que non se creara "nin un só metro" de solo industrial en 24 anos
Por Redacción
Para o Partido Popular é "triste" que o alcalde de Pontevedra, Miguel Anxo Fernández Lores, reclame a ampliación do polígono do Campiño tras 24 anos nos que, baixo o seu mandato, non se creou "nin un só metro" de chan industrial no municipio.
Aínda que a competencia para impulsar áreas industriais en Galicia recae na Xunta, Pablo Fernández, edil do PP pontevedrés, lamenta que o goberno municipal "renuncie á súa autonomía" e non cre chan industrial a través dun novo PXOM.
"No 2001 o propio alcalde xa recoñecía a falta de chan industrial. Máis de 20 anos despois, seguimos igual", sostén Fernández, que censura que o Concello "deleguen" na Xunta e "saquen da chistera" esta demanda ao executivo autonómico.
O concelleiro popular reitera que Fernández Lores "é o maior axente de peche de empresas que hai na cidade", polo que lle instan a que actualice o plan de ordenación urbana e se definan nel novas zonas de chan industrial.
Debido a esta "falta de traballo, capacidade e xestión", conclúe Pablo Fernández, "Pontevedra segue perdendo oportunidades para que novas industrias escollan a nosa cidade como proxecto de futuro".
Relacionadas:
-
Lores reclama a Rueda que abandone as "escusas de mal pagador" e amplíe O Campiño
Por Alejandro Espiño |
-
Andrés Díaz pide á Xunta a ampliación do polígono empresarial da Reigosa
Por Redacción |
-
Pontevedra reclama ampliar O Campiño antes de 2026 para non "estrangular" a demanda de solo industrial
Por Alejandro Espiño |