Outro xeito de descubrir os 'segredos agochados' do río Lérez
![](/web/cache/scene/uploads/fotos/foto/4bb/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6422cefd4d-img_6020.jpg)
© PontevedraViva
![](/web/cache/scene/uploads/fotos/foto/0ed/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6422ce2028-img_6013.jpg)
© PontevedraViva
![](/web/cache/scene/uploads/fotos/foto/4c6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6422cde398-img_6009.jpg)
© PontevedraViva
![](/web/cache/scene/uploads/fotos/foto/d3d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6422ce6f31-img_6014.jpg)
© PontevedraViva
Iniciativa, ilusión e creatividade é o que se respiraba na Ponte do Burgo de Pontevedra, o punto de partida para descubrir 'Os segredos agochados do Río Lérez'.
Pelos de punta. O entusiasmo e a emoción de vinte persoas con discapacidade visual ao descubrir as 'Sendas do Río Lérez' e a 'Illa das Esculturas', sentíanse de lonxe. Como o facían? A través de planos en braille.
Saír, presentarse e reivindicar a súa situación é o que os move. Así o explicou José Ángel Abraldes, director do CRE da ONCE: "cuanto más salgamos a la calle y más mostremos cuáles son nuestras necesidades, mejor las conocerá la sociedad. Lo que no podemos hacer es quedarnos encerrados".
Comprometidos, respectuosos e cun obxectivo moi claro: fomentar un turismo accesible para todos. Así se mostraba o alumnado do Instituto Carlos Oroza, coorganizador da actividade xunto o CRE da ONCE. Malia os nervios e a emoción demostraron a súa valía como futuros guías turísticos.
Clara Alfonsi, alumna do Carlos Oroza, confesaba a PontevedraViva entre as explicacións dos seus compañeiros que, "al final, para nosotros, esto también es una práctica para ser futuros guías, y además, guías para gente con cualquier tipo de diversidad. Eso se trabaja mucho en el Carlos Oroza".
Como é camiñar sen ver? Entre risas e bo ambiente, os protagonistas da actividade tamén expuxeron con firmeza as súas limitacións dirarias na cidade de Pontevedra:
"Los semáforos con sonido son esenciales y en esta ciudad se carece de ellos. Y si tenemos espacios peatonales, hay que respetarlos como peatonales. Evidentemente no hay barreras físicas, pero los obstáculos que hoy no están y mañana sí son muy peligrosos para las personas ciegas" comentou Abraldes.
Próximos e calorosos, os participantes agarraban con forza o brazo do seu guía para continuar o percorrido. O vínculo de máis dunha década entre o CRE da ONCE e o Instituto Carlos Oroza facíase notar. Así o reflectían as agradecidas palabras de Jose, un dos participantes: "É unha gran axuda para nós que esta xente que terminou uns estudos e van a dedicarse ao turismo conten con nós para facernos a vida máis fácil".
O vindeiro 13 de abril, o alumnado do Instituto Carlos Oroza servirá un almorzo a vinte afiliados da ONCE. Unha vez máis, poderán demostrar as súas habilidades coas persoas con discapacidades visuais.
Tina Ortega fala sobre o proxecto ‘Os Segredos agochados do Río Lérez’
Tina Ortega, profesora do Instituto Carlos Oroza
© PontevedraViva
José Ángel Abraldes conta a colaboración co Instituto Carlos Oroza
José Ángel Abraldes, director do CRE da ONCE
© PontevedraViva