Máis prazas de aparcamento e balizamento en catro praias en Sanxenxo para Semana Santa
Por Redacción
Sanxenxo comeza o período vacacional de Semana Santa co balizamento en catro praias e 200 prazas máis de aparcamento coa apertura da planta superior da Praza do Mar.
Tras o tráxico suceso ocorrido o ano pasado, o Concello decidiu reforzar a seguridade nas praias onde resulta posible colocar balizamento debido á situación que presenta o mar nesta época do ano.
Así, tras consultalo coa empresa encargada de realizar a sinalización acordouse, segundo criterios técnicos, adiantar a colocación de balizas en Panadeira, Silgar, Canelas e Caneliñas.
Para o período de verán reforzarase con corcheras, un elemento que agora non aguantaría debido á situación do mar.
Como en anos anteriores, ao aparcadoiro público de Nauta cuberto sumarase se é necesario o exterior da Praza do Mar con 200 estacionamentos máis.
E a oficina de turismo de Portonovo abrirá como punto informativo do mesmo xeito que a situada en Sanxenxo no porto deportivo, en horario de mañá e tarde, desde este venres.
O horario será de 10 a 14 horas e de 16 a 19:30 horas.
Relacionadas:
-
Unhas boias amarelas delimitarán a canle de nado entre as praias de Silgar, Baltar e Caneliñas
Por Redacción |
-
Turismo Rías Baixas estima unha ocupación para a Semana Santa do 68%
Por Oskar Viéitez |
-
Pontevedra, preparada para unha Semana Santa que estreará unha nova procesión
Por Redacción |
-
O II Certame de Bandas de Cornetas e Tambores abrirá o sábado a Semana Santa de Sanxenxo
Por Redacción |
-
As Illas Atlánticas dán a benvida ao turismo, sempre que sexa "sostible e responsable"
Por Oskar Viéitez |