Festa rachada con Panorama en Combarro
Por Oskar Viéitez
Na praza da Chousa, en Combarro, instalouse este domingo o enorme escenario de Panorama, un dos buques insignia do mundo das orquestras de Galicia.
Unha multitude de persoas acudiu para gozar desta actuación musical programada polo Concello no marco de ‘Primavera en Poio’.
Panorama presentou o seu novo espectáculo títulado “Life & Music Tour: Viaxe ao centro da música”, co que fixo vibrar ao público.
Os de Lito Garrido repasaron os grandes temas do momento, desde de Bizarrap con Shakira ata o Motomami de Rosalía pasando por temas clásicos de festa e os seus habituais himnos verbeneros.