A renovación da iluminación pública da zona sur comezará por Campolongo
Por Alejandro Espiño
Setga será a empresa que se encargará de renovar toda a iluminación pública da zona sur da cidade de Pontevedra. Cobrará por este traballo case 1,56 millóns de euros. O cambio da iluminación deberá estar listo en tres meses, unha vez que se asine o contrato.
A portavoz do goberno municipal, Anabel Gulías, sinalou que esta é unha actuación "ambiciosa", xa que supoñerá renovar máis de 1.600 luminarias, que pasarán a ser de tecnoloxía LED, e cambiar 32 cadros de mando.
"Vai a axudar a mellorar a calidade da iluminación desta zona da cidade", subliñou Gulías.
En concreto, dentro deste contrato incluirase todo o barrio de Campolongo, O Gorgullón, a Avenida de Vigo ata O Marco e a zona de Beiramar, incluídas A Moureira, A Barca ou a rúa Riestra.
A este respecto, o Concello deu instrución aos servizos técnicos municipais para que, de acordo coa empresa adxudicataria, a renovación de todos estes puntos de luz comece por Campolongo, onde os veciños denunciaron problemas coa iluminación.
A edil do BNG recoñeceu que nesta zona hai luminarias "moi antigas" que estiveron fallando nos últimos meses, por iso é polo que o cronograma previsto para estes traballos vaia a comezar por alí e ir abordando de maneira "paulatina" o resto de áreas.
Setga calcula que coa renovación de todo esta iluminación pública o Concello poida aforrar uns 370.000 euros anuais na factura da luz.
A este importante aforro económico, o goberno municipal suma os beneficios ambientais que supoñerá esta actuación, xa que reducirá a contaminación lumínica en gran parte da cidade.
Con respecto ás zonas rurais, Anabel Gulías destacou que "practicamente" está terminado a renovación da iluminación en todas as parroquias. Só quedan Salcedo e Tomeza nas que, segundo adiantou, dita contratación abordarase en próximas semanas.
Relacionadas:
-
Amplían ata o 13 de decembro o prazo para renovar a iluminación na zona sur da cidade
Por Alejandro Espiño |
-
O cambio a LED da iluminación da zona sur arranca por María Victoria Moreno e os xardíns de María Vinyals
Por Redacción |
-
Setga, á fronte dun proxecto europeo que investigará o uso de bioplásticos no mobiliario urbano
Por Alejandro Espiño |
-
A nova iluminación led de Cerponzóns, Campañó e Alba permitirá aforrar 187.000 euros ao ano
Por Redacción |
-
Cadros de luces personalizados por parroquias e cun 75% menos consumo para o rural pontevedrés
Por Redacción |