A UNED contrata cinco mozos a través do programa "TándEM"
Por Redacción
A UNED vén de contratar a cinco novos a través do programa "TándEM" que favorece a primeira experiencia profesional nas administracións públicas.
A firma destes contratos, que terán unha duración dun ano, tivo como protagonistas aos cinco novos e á presidenta da Deputación de Pontevedra e do Consorcio da UNED, Carmela Silva, en presenza do director do Centro Asociado e do Campus Noroeste da UNED, Víctor M. González Sánchez.
Estes mozos foron remitidos á UNED polo Servizo Público de Emprego Estatal (SEPE) e desempeñarán funcións administrativas ligadas a diversos departamentos da UNED e tamén ao servizo de biblioteca, un dos máis demandados polo alumnado do Centro Asociado en Pontevedra.
A intención do equipo directivo da UNED é seguir desenvolvendo este proxecto de fomento do emprego xuvenil en anos sucesivos a condición de que se poidan seguir acollendo á liña de axudas implementadas para poder poñer en marcha este tipo de iniciativas.
O programa TándEM, inspirado no bo funcionamento das escolas taller e dos talleres de emprego xestionados directamente polo SEPE, responde a un dobre reto: a capacitación dos mozos non cualificados e a súa práctica laboral, abrindo verdadeiros horizontes a un proxecto de vida estable.
TándEM pertence ao Investimento específico en Emprego Novo no marco do Plan de Recuperación, Transformación e Resiliencia- Financiado pola Unión Europea–NextGenerationEU.
Relacionadas:
-
Exposición pictórica na UNED de 18 integrantes da Asociación Artístico-Cultural de Pontevedra
Por Redacción |
-
"Encargar humanos", a conferencia organizada pola UNED sobre a xestación subrogada
Por Álvaro Arosa Barco |
-
A sentenza do Tribunal Supremo sobre ENCE, a debate na UNED da man de Patricia Vilán
Por Redacción |
-
A 'Lab Social-Xuntanza Proponte' conciencia da importancia do labor en rede dos colectivos sociais
Por Redacción |
-
A UNED homenaxea ás mulleres do mar
Por Redacción |