Castiñeiros, carballos e piñeiros para rexenerar A Fracha tras o incendio da Canicouva
Por Alejandro Espiño
Ata tres hectáreas e media do parque forestal da Fracha quedaron completamente calcinadas no incendio que azoutou A Canicouva o pasado mes de agosto. É a zona que o Concello xa comezou a rexenerar para devolvela ao seu estado previo.
A través duns traballos que, segundo o edil Raimundo González, están "moi avanzados" están a plantarse 1.150 exemplares de árbores nas hectáreas afectadas. Son, de maneira detallada, 700 castiñeiros, 250 carballos e 200 piñeiros.
Previamente a este labor, na que o Concello inviste 15.000 euros, os operarios limparon e rozaron toda a zona queimada para deixala acondicionada para que, aproveitando a primavera, se puidesen colocar as novas árbores.
Esta actuación inclúe ademais a reposición de todos os peches, postes e mallas que protexían as árbores recentemente plantadas dos cabalos salvaxes e que quedaron moi danados polo lume.
"O que se pretende é que o parque forestal recupere toda a vexetación que tiña antes do incendio", sostivo Raimundo González.
O resto dos terreos afectados polo lume, unhas 350 hectáreas repartidas entre A Canicouva e Ponte Sampaio, en Pontevedra, e A Reigosa e Baltar, en Ponte Caldelas, son propiedade das comunidades de montes e delas dependerá a súa rexeneración.
Relacionadas:
-
O parque forestal da Fracha estrea un novo miradoiro na área de Rega Pereira
Por Redacción |
-
Declarado un incendio forestal no Vao de Arriba
Por Oskar Viéitez |
-
Alberto Oubiña quere protexer o "Bosque da esperanza" ampliando o parque forestal da Fracha
Por Redacción |
-
A Canicouva revive o pesadelo do incendio do 2006
Por Manu Otero & Cristina Saiz |
-
Técnicos municipais avaliarán esta semana os danos que o incendio causou no Parque forestal da Fracha
Por Redacción |
-
"Evoluciona favorablemente" o lume que xa arrasou 380 hectáreas de Pontevedra e Ponte Caldelas
Por Natalia Puga | Creada e actualizada
-
A devastación que deixa ao seu paso o incendio no monte da Fracha
Por Natalia Puga & Cristina Saiz & Almu Dapena |
-
"Profundamente preocupados" en Pontevedra pola evolución do incendio da Fracha, que ataca o parque forestal
Por Natalia Puga | Creada e actualizada