Estudantes de Dirección e Xestión Pública analizan os resultados do 28-M
Por Redacción
Este mércores, 7 de xuño, entre as 19.30 e as 21.00 horas, a Casa das Campás (Vicerreitoría do campus de Pontevedra) acollerá un encontro para analizar de maneira científico-política os resultados das eleccións municipais do 28-M.
Este evento forma parte dunha programación habitual que realiza o Grao en Dirección e Xestión Pública desde hai anos despois dos comicios coa participación do profesorado especializado en Ciencia Política e da Administración.
Despois da constitución da Facultade de Dirección e Xestión Pública, a súa Delegación do Alumnado asume a organización desta actividade coa intervención de cinco estudantes da Facultade, que defenderan as diferentes posturas dos espazos políticos, con Fernando Martínez Arribas, profesor da Área de Ciencia Política e da Administración, como moderador da sesión.
A este acto de análise dos resultados, segundo a organización, asistirán representantes de diferentes partidos políticos e autoridades académicas da Universidade de Vigo. A entrada é libre