David Carrera levantou este sábado o bastón de mando da Lama nun emotivo pleno no que tomou a substitución de man do seu predecesor e mentor, Jorge Canda. 

A sesión de investidura celebrouse ao mediodía sen sobresaltos e "con total normalidade", segundo destacaron desde o Concello. Unha vez recollida as actas dos concelleiros electos nas municipais do 28 de maio e constituída a nova Corporación, foi elixido alcalde cos votos dos sete concelleiros do PP. 

Cos votos do seu partido foi suficiente para alzar o bastón de mando tras reeditar a maioría absoluta para o PP no que foi o seu primeiro asalto á Alcaldía. 

O bastón de mando entregoullo Jorge Canda non só simbólicamente, senón que no acto materializouse este traspaso de poderes. 

A partir de agora, Carrera e Canda intercambiarán papeis, pois no último mandato o agora alcalde era o número dous e agora será Canda o que asuma esa responsabilidade e dea un paso ao carón tras 28 anos como alcalde. 

Na nova Corporación da Lama hai sete concelleiros do PP, dous de Unión de Cidadáns Independentes (UCIN), un de Iniciativa Polo Rural e un do PSOE.