A APDR denuncia a presenza dunha vertedura no Lérez próxima ás pontes do tren
Por Redacción
A Asociación pola Defensa da Ría (APDR) denuncia que o 4 de xullo, ao redor das 13.00 horas, integrantes deste colectivo observaron unha vertedura á altura das pontes do tren sobre o Lérez, na zona que se abre cara aos denominados Salóns do Lérez.
Este xoves a vertedura aumentou e, segundo a asociación, resulta "máis preocupante" debido á súa influencia nunha zona de interese ambiental. Desde a APDR indican que informaron xa á persoa responsable do Ciclo da Auga no Concello.
O aspecto visual que ofrece é entre marrón e vermello. O colectivo que preside Antón Masa, por esa tonalidade, sospeita que se trate dunha vertedura de terras procedentes dalgunha obra que se execute na contorna, mesmo non descartan que se trate dun desprendemento dalgunha infraestrutura viaria.
A APDR reclama unha especial vixilancia sobre a calidade das augas impedindo este tipo de verteduras incontroladas. Demandan tamén que se persigan aquelas condutas contrarias á protección do medio ambiente.
Relacionadas:
-
APDR reutiliza as lonas das súas pancartas para crear bolsas e mochilas nesta campaña de Nadal
Por Mónica Patxot & Anxo Lourido |
-
O alcalde inicia unha rolda de encontros cos diferentes axentes sociais da cidade
Por Oskar Viéitez |
-
A sentenza do Supremo non frea a marcha anual contra ENCE: "Non renunciamos a un futuro sen ENCE na ría"
Por Diego Espiño & Cristina Saiz |