Conclúe a humanización do Camiño da Fontiña e do acceso adxacente en Bordóns
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Bordóns xa pode gozar da humanización do Camiño da Fontiña, un dos accesos ao núcleo rural do Outeiro que se atopaba en avanzado estado de deterioración, e dun pequeno ramal existente na marxe esquerda do camiño.
O alcalde, Telmo Martín, e o concelleiro de Servizos e Mantemento, Yago Torres, supervisaron os traballos cunha visita á zona.
A actuación contemplou a pavimentación dunha superficie de 565 metros cadrados e a mellora da rede de pluviais, conectando a esta rede as bajantes existentes das vivendas. Ademais, colocáronse canlóns con reixas de fundición para eliminar a auga superficial do camiño, así como as canalizacións necesarias das redes eléctrica e de telecomunicacións.
Tamén se instalaron sete novas farois tipo led de última xeración.
Tras os traballos quedou un camiño cunha zona central de paso empedrado de 2,20 metros de ancho. Como o vial ten anchos dispares, completouse o pavimento con franxas laterais de formigón co árido visto. O estreito ramal da marxe esquerda pavimentouse con formigón gris.
A obra foi financiada na súa totalidade con cargo a unha subvención do Plan Concellos da Deputación de Pontevedra. O prazo de garantía das obras é de 12 meses.
Relacionadas:
-
Obras na Lamela para mellorar a seguridade viaria
Por Redacción |
-
Avanzan as obras en Camiño da Fontiña coa retirada da vella pavimentación
Por Redacción |
-
A humanización do Camiño da Fontiña estará executada nun mes e medio
Por Redacción |
-
Sanxenxo humanizará o Camiño da Fontiña, en Bordóns
Por Redacción |