Toca o gran premio da Bonoloto, de 102.227 euros, na Lotería Carmela
Por Redacción
102.227,82 euros de premio tocaban no gran sorteo da Bonoloto deste luns, un boleto que era selado na administración número 4 de Pontevedra, situada en Raíña Vitoria, que xestiona Carmela Díaz Lorente.
Trátase dun boleto de segunda categoría, que se corresponde con cinco acertos máis o número complementario.
Non se rexistrou ningún premio de primeira categoría, con seis acertos. Con todo, si se localizou outro boleto de segunda categoría, tamén premiado como o de Pontevedra, en Ávila.
A combinación que logrou o premio está integrada polos números 26, 29, 31, 38 e 43. O número complementario foi o 47, mentres que o do reintegro é o 9. A recadación establecíase en 3.167.942 euros.
O despacho de Lotería Carmela xa selara outro boleto da Bonoloto en maio, premiado con 38.120 euros. Trátase dunha administración que leva anos sumando premios en diversos sorteos.