Evacuada unha nena de 13 anos nunha colisión na PO-550 en Cambados
Por Anxo Lourido
Creada e actualizada
Creada e actualizada
Unha menor, de 13 anos de idade, que viaxaba como copiloto tivo que ser evacuada ao Hospital do Salnés como consecuencia do impacto entre dous turismos na tarde do mércores 19 de xullo.
A nova, veciña de Cambados, atopábase en estado semiinconsciente debido ao golpe.
O accidente rexistrábase na PO-550 ao seu paso por Castrelo, no municipio de Cambados. Foi necesaria a intervención do servizo de Emerxencias da localidade.
Na intervención colaboraron axentes da Policía Local de Cambados, a Garda Civil de Tráfico, Atestados e a ambulancia do 061 para o traslado da menor para unha exploración médica e avaliación de danos.
ACCIDENTE NOCTURNO
Tamén o servizo de Emerxencias de Cambados colaboraba pasadas as 00.00 horas deste xoves 20 noutro accidente que se rexistraba en Tragove.
A copiloto, de 35 anos e veciña de Cambados, era trasladada ao Hospital do Salnés con dor torácica, cervical e lumbar.
Ata o lugar tamén se desprazaban axentes da Garda Civil de Tráfico e a ambulancia do 061.
Relacionadas:
-
Trasladan ao hospital unha pontevedresa de 23 anos tras un accidente de tráfico en Cambados
Por Redacción |
-
Sae ileso tras perder o control do turismo en Cambados e impactar contra os postes dunha viña
Por Anxo Lourido |
-
Unha condutora de 78 anos, ferida ao saírse da vía o seu turismo cando circulaba por Oubiña
Por Anxo Lourido |