Pepa Pardo (PP) esixe unha rectificación a Yoya Blanco (PSOE) por comparala co ministerio de propaganda nazi
Por Anxo Lourido
Pepa Pardo, concelleira do Partido Popular de Pontevedra, esixiu este venres unha rectificación por parte da concelleira socialista Yoya Blanco, despois de que a representante do PSOE comparase as declaracións da popular coas accións do ministerio de propaganda nazi.
Pardo indica que esa frase é "inadmisible, intolerable e dunha gravidade e dunha frivolidade tremenda e define á persoa da que vén".
Ademais, incide en que as fai como cargo político, como concelleira do grupo municipal socialista na súa condición de representante público.
Por este motivo, esixe tamén o portavoz socialista, Iván Puentes, que explique se avala esas declaracións ou se "esixirá como mínimo, a rectificación da concelleira que non se dignou a pedir desculpas".
As declaracións de Yoya Blanco manifestábanse en relación coa polémica sobre a localización da feira. A socialista acusaba os populares de utilizar fake news ao referirse á súa xestión sobre a situación deste mercado ambulante na Alameda.
Relacionadas:
-
O PP, a por Yoya Blanco: piden o seu "cese inmediato" por comparar a Pepa Pardo cos nazis
Por Redacción |
-
Yoya Blanco, concelleira do PSOE, asegura que ao PP non lle gusta a feira no centro
Por Redacción | Creada e actualizada
-
Pepa Pardo culpa o PSOE de que a feira abandonara a Alameda por ceder o "poder de decisión" a Lores
Por Anxo Lourido |
-
Gloria Blanco e Pepa Pardo, socias na avogacía e 'enemigas íntimas' na política
Por Alejandro Espiño & Mónica Patxot |