Dous feridos en Sanxenxo, un deles grave, tras chocar entre si na Vichona
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Dúas persoas resultaron feridas, unha delas de carácter grave, nun accidente que se rexistrou este luns na zona da Vichona, en Sanxenxo.
O accidente produciuse sobre as nove da mañá, segundo informa o 112 Galicia.
Os coches que conducían ambas as persoas chocaron de maneira frontolateral despois de que un deles saíse do aparcamento dun hotel e a zona e chocase contra outro vehículo que circulaba pola estrada PO-504.
Ao lugar do accidente, ademais de ambulancias do 061 que atenderon os feridos e os trasladaron ao hospital, acudiron axentes da Policía Local de Sanxenxo e da Garda Civil.
O tráfico nesta estrada, que une Vilalonga con Sanxenxo, viuse afectado ata que os vehículos sinistrados puideron ser retirados da calzada.