O BNG de Poio recolle sinaturas demandando melloras urxentes no transporte regular
Por Oskar Viéitez
O BNG de Poio anunciou este xoves o inicio dunha campaña de recollida de sinaturas demandando melloras urxentes no transporte regular.
Os nacionalistas piden máis frecuencias regulares para o alumnado de Bacherelato e formación profesional.
Segundo explicaron nunha comparecencia, o motivo de iniciar esta campaña é denunciar a continúa "situación caótica" xerada a raíz do novo plan de transporte da Xunta, apuntando como principais eivas "a eliminación de horarios, itinerarios e paradas" que deixan aos usuarios sen un servizo "fundamental para vertebrar o país" e, "aínda por riba, sen unha oferta alternativa por parte de quen ten a competencia, a Xunta de Galicia".
Así, o texto dirixido a Conselleira de Infraestruturas e Medio Ambiente da Xunta, esixe "unha urxente solución" por medio do "reforzo e adaptación de servizos en horas que demandan os colectivos de persoas usuarias" e, en segundo lugar, do mesmo xeito, demandan que se amplíen as frecuencias regulares no tramo horario de 8 a 9 horas, nas paradas máis confluídas, para poder dar resposta ao alumnado de Bacharelato e Formación Profesional que precisa desprazarse ao seu centro de ensino.
"Que se estudien por parte da Xunta o número de usuarios que demanda ese servizo, pode facelo en colaboración cos Centros de Ensino", apuntan.
Por iso o Bloque quere implicar a toda a poboación de Poio "para xuntos facer a forza necesaria e esixir que as administracións competentes adopten medidas" para que, de forma inmediata, doten de máis frecuencias regulares o servicio de transporte en Poio.
Esta mesma semana, mantiveron reunións coas ANPAS de Poio para que participen na recollida de sinaturas e fagan chegar toda a información ás familias.
Relacionadas:
-
Cambian a parada de autobús para o alumnado de infantil do colexio de Chancelas
Por Oskar Viéitez |
-
Buscan solucións para evitar que o alumnado de 3 a 5 anos do CEIP de Chancelas colla o transporte na PO-308
Por Redacción |
-
O BNG quere que o Concello condene o "trato degradante" da empresa Monbus ás familias de Poio
Por Oskar Viéitez |
-
Acusan a Monbús de provocar unha "situación de caos e incerteza" na ruta ao instituto de Poio
Por Oskar Viéitez | Creada e actualizada