O vello refuxio de pescadores de Carballedo xa é un albergue para peregrinos
Por Redacción
O Concello de Cerdedo-Cotobade confirma o fin das obras de transformación do vello refuxio de pescadores de Carballedo nun albergue para os peregrinos que estean percorrendo a Vía Mariana ou o Camiño de Taverneiro.
A rehabilitación tamén supuxo o acondicionamento da zona e a instalación nas inmediacións dun parque biosaudable para que aquelas persoas que o desexen poidan facer exercicio.
Os traballos foron executados pola empresa local Construcciones Pablo Moreira quen resultou adxudicatario do concurso para realizar as obras xa que poi o único que achegou ofertas cun prezo próximo aos 70.000 euros.
O obxecto desta actuación centrouse na creación dun albergue para 8 peregrinos da Vía Mariana e do Camiño de Taverneiro no local municipal existente na área recreativa xunto á praia fluvial da Chan de Carballedo, e que fora concibido como un refuxio de pescadores, co fin de favorecer a revitalización desta ruta do interior da provincia de Pontevedra e axudar a seguir dinamizando economicamente o municipio a través do turismo.
O alcalde, Jorge Cubela, agradeceu á empresa o cumprimento dos prazos de execución e a calidade do traballo realizado e lembrou que a promoción do turismo local será un dos eixos fundamentais da acción de goberno dos vindeiros anos para potenciar e dinamizar a actividade económica no termo municipal.
Cubela insistiu na intención de converter Cerdedo-Cotobade no municipio da contorna máis dinámico desde o punto de vista da promoción turística.
Relacionadas:
-
O albergue para peregrinos da Vía Mariana vai cobrando vida, con cociña, mobiliario e normas de uso
Por Redacción |
-
Patrimonio estuda declarar o 'Camiño de Taverneiro' como Vía Cultural
Por Redacción |
-
Comeza a nova etapa do vello refuxio de pescadores de Carballedo como albergue de peregrinos
Por Redacción |
-
Cubela presume dos "moi proveitosos" 100 primeiros días de goberno, nos que mobilizou máis de 1,2 millóns de euros
Por Redacción |
-
Aberto ata o 10 de agosto o prazo para presentar ofertas para o albergue da Vía Mariana
Por Redacción |
-
Turismo de Galicia cofinancia o albergue da Vía Mariana xunto á praia fluvial da Chan
Por Redacción |
-
A área recreativa da praia fluvial de Carballedo terá un albergue para peregrinos
Por Redacción |
-
Sinalizarán o percorrido da Vía Mariana por Cerdedo-Cotobade
Por Redacción |