Cubela presume dos "moi proveitosos" 100 primeiros días de goberno, nos que mobilizou máis de 1,2 millóns de euros
Por Redacción
O alcalde de Cerdedo-Cotobade, Jorge Cubela, fixo este sábado unha valoración dos seus primeiros 100 días de goberno municipal e cualificounos de "moi proveitosos" desde o punto de vista da xestión de proxectos para mellorar a calidade de vida dos veciños e veciñas do municipio.
Cubela cuantificou en máis de 1,2 millóns de euros as obras licitadas e as adxudicacións destes primeiros días de mandato.
Entre outros, destaca os proxectos para a senda de Tenorio, o multiusos de Cerdedo, a mellora de camiños municipais en 8 parroquias, o albergue de peregrinos de Carballedo e a apertura do vial dende a Praza do Concello en Cerdedo.
Ademais, sinala que o seu Goberno axilizou ao máximo a redacción e publicación de ordenanzas reguladoras do uso das instalacións deportivas e dotou ao Pleno da Corporación Municipal dun regulamento orgánico de funcionamento e participación dos grupos políticos.
O alcalde tamén amosou a súa satisfacción por contar xa coa entrega por parte da empresa adxudicataria do proxecto de execución de obra e xestión da Residencia de Maiores e Centro de Día de Carballedo que comezará agora a construírse nos terreos previstos da Chan.
Neste balance non se esquece do papel da Deputación de Pontevedra, da que é deputado e sinala que a institución provincial sacará a licitación o tramo da estrada Bugarín-Fondós, "tan necesaria e reclamada pola veciñanza e polo propio alcalde durante anos".
No eido cultural, fai valoración moi positiva do programa 'Cerdedo-Cotobade en Sons', que permitiu achegar a mellor música galega do momento aos principais lugares do territorio, con concertos de Carlos Núñez, María do Ceo, De Vacas, Luar na Lubre ou A Roda.
Relacionadas:
-
A residencia de maiores e centro de día de Carballedo, pendente de Política Social
Por Redacción |
-
O vello refuxio de pescadores de Carballedo xa é un albergue para peregrinos
Por Redacción |
-
Invisten 500.000 euros para finalizar a humanización da travesía interior de Tenorio
Por Redacción |
-
Trinta familias dos centros educativos de Tenorio e Carballedo benefícianse do Plan Concilia Mañás
Por Oskar Viéitez |
-
Publicadas as bases que regularán a adxudicación das vivendas sociais de Carballedo
Por Redacción |
-
Jorge Cubela alza o bastón de mando por cuarta vez, cheo de "ilusión", "compromiso" e "responsabilidade"
Por Redacción |
-
COVSA executará o ensanche e mellora dun vial en Vilanova de Tenorio
Por Redacción |
-
Sae a contratación pública a construción da EDAR con humidais artificiais de Quireza
Por Redacción |
-
Mellorar o firme da estrada entre A Coutada e Campodanta en Aguasantas sairá por 90.800 euros
Por Redacción |
-
A Central de Compras de Cerdedo-Cotobade permite aforrar ao Concello un 18% en materiais
Por Redacción |