Jorge Cubela alza o bastón de mando por cuarta vez, cheo de "ilusión", "compromiso" e "responsabilidade"
Por Redacción
Jorge Cubela xa é de novo alcalde de Cerdedo-Cotobade. Este sábado alzou o bastón de mando por cuarta vez nunha sesión de investidura na que veciños e simpatizantes dos distintos partidos encheron o salón de plenos.
A ampla maioría lograda polo PP nas eleccións municipais do 28 de maio garantiulle a Cubela poder ser elixido alcalde só cos votos do seu partido, de maneira que a sesión non tivo sorpresas.
A sesión non era nada novo para Cubela, que é alcalde con maioría absoluta desde 2011, pero a experiencia non lle restou emoción ao acto.
Unha vez rematado, a través das súas redes sociais quixo darlle "mil grazas" a todos os compañeiros de partido, aos membros da Corporación, á sùa familia e, sobre todo, "a todos e cada un dos veciños e veciñas de Cerdedo-Cotobade".
O líder do PP sinalou que foi, para el, un día "moi especial" por recibir por cuarta vez a confianza maioritaria dos veciños e veciñas de Cerdedo-Cotobade para seguir sendo o seu alcalde.
É este un encargo que o enche de "orgullo", pero, segundo as súas propias palabras, "sobre todo de compromiso, responsabilidade e unha enorme ilusión".
Na nova Corporación, o PP ten dez concelleiros, o PSOE suma dous e o BNG ten un representante.
Relacionadas:
-
Rafa gañou, pero nada cambiou: Lores, alcalde por sétima vez
Por Alejandro Espiño |
-
Cubela presume dos "moi proveitosos" 100 primeiros días de goberno, nos que mobilizou máis de 1,2 millóns de euros
Por Redacción |
-
Reorganización do goberno de Jorge Cubela con críticas socialistas polas tres dedicacións exclusivas
Por Anxo Lourido |
-
Jorge Cubela, tras ampliar a súa maioría: "Os veciños devolvéronnos todo o traballo destes anos"
Por Alejandro Espiño |
-
28M | O PP recupera a Deputación "contra todo prognóstico" por tres deputados decisivos en Pontevedra, Vigo e Tui
Por Natalia Puga & Mónica Patxot |
-
28M | Jorge Cubela reforza a súa maioría en Cerdedo-Cotobade á conta da caída do PSOE
Por Natalia Puga |