Concerto de Aninovo no Mosteiro de Poio
Por Redacción
O Mosteiro de Poio acollía a últimas horas da tarde do martes 2 de xaneiro o concerto de Aninovo dentro da programación do Nadal do Concello de Poio.
Este recital destinado a público adulto con entrada libre foi unha gran oportunidade para escoitar as voces das persoas integrantes da Coral de Poio; da Coral Virxe de Fátima e do Coro Virxe da Renda.
Ademais, o músico Rosolino Martinello interpretou co seu saxofón interludios denominados 'Jazz á luz das candeas' neste concerto cunha imaxe visual curiosa ao tocar rodeado de velas situadas sobre o pavimento do recinto eclesiástico.
O concerto foi presentado por Ángeles Torres Esperón. Entre o público asistente atopábase o alcalde de Poio, Ángel Moldes.
Este mércores continuuarán as actividades en Poio con pasacalles da agrupación Vides Novas a partir das 17.00 horas.
A continuación terá lugar 'A Fedelleneta do Nadal', a partir das 18.00 horas, con Tere e Javi Solla Animación. Trátase dun espectáculo para público familiar que se desenvolverá na Aldea do Adro, no Adro da Igrexia en San Salvador.
A partir das 20.00 horas, 'Máis Cantos de Reis', da man da asociación cultural Máis Cantos.
Trátase dun recital previsto no espazo municipal do Palacete Besada, na parroquia de San Salvador.
Relacionadas:
-
Satisfacción no goberno local de Poio pola participación nas actividades de Nadal
Por Redacción |
-
Os Reis Magos despídense cunha festa en Poio
Por Redacción |
-
Os Reis Magos despediranse dos nenos de Poio este sábado cunha cabalgata e moita festa
Por Redacción |
-
A recta final do ano chega a Poio cargada de música e actividades de Nadal
Por Redacción |
-
VÍDEO.- Alcaldes e alcaldesas felicitan as festas e o novo ano aos seus veciños
Por Alejandro Espiño |