Máis de 40.000 persoas visitaron a exposición sobre Exipto no Sexto Edificio do Museo
Por Redacción
A exposición 'Da vida á morte no antigo Exipto' pechou as súas portas este domingo no Sexto Edificio do Museo de Pontevedra convertida na segunda mostra máis visitada na súa historia, segundo explica a Deputación.
Dende a súa apertura, o día 10 de xullo, foron máis de 40.000 as persoas que visitaron a mostra, composta por 132 pezas procedentes do Museo Exipcio de Florencia.
Só a exposición de motos históricas que acolleu o Edificio Sarmiento no ano 2012 contou con cifras máis elevadas, un total de 46.500 visitantes.
A alta afluencia provocou ademais que a mostra prolongase a súa apertura un mes máis do inicialmente previsto.
Tamén foi necesario, segundo explica a Administración provincial, ampliar a frecuencia das visitas guiadas, polas que pasaron máis de 1.500 persoas, ao que hai que sumar os máis de 2.500 visitantes que chegaron a través de grupos organizados por centros escolares e diversas asociacións.
Relacionadas:
-
A elevada demanda leva a ampliar as visitas guiadas á mostra "Da vida á morte no antigo Exipto"
Por Redacción |
-
Máis 12.000 persoas visitaron xa a exposición sobre o Antigo Exipto no Sexto Edificio do Museo
Por Redacción |
-
Sarcófagos e pezas do antigo Exipto nunca antes expostos, no Sexto Edificio do Museo
Por Mónica Patxot & Anxo Lourido |