Danza e moita imaxinación, no Festival das Cóxegas con "¿Cuál es mi nombre?"
Por Redacción & Diego Torrado
Un espectáculo de danza contemporánea. É a proposta que ofreceu este domingo o Festival das Cóxegas aos espectadores pontevedreses. O Pazo da Cultura acolleu a representación de ¿Cuál es mi nombre?, da compañía Da.Te Danza.
Dirixido por Omar Meza e Rosa Díaz, este espectáculo de danza e interpretación vira ao redor da idea de que a identidade se fortalece cos anos, pero a túa esencia está en ti desde que naces. Amas, ris e choras, e non importa a túa roupa, de onde veñas ou cal é o teu nome.
A través do movemento, os integrantes de Da.Te Danza levaron aos pontevedreses a un mundo que espertou a imaxinación de nenos e adultos cun espectáculo no que as palabras foron o fío condutor desta historia que se conta a través da danza.
O Festival das Cóxegas despedirase o vindeiro domingo 27 de novembro coa representación de Amour, de Marie de Jongh. Trátase dun espectáculo teatral que nos fai reflexionar sobre a delgada liña que existe entre a desafección e o amor incondicional.
Relacionadas:
-
O Festival das Cóxegas remata converténdose en referente para o público familiar
Por Redacción |
-
Unha despedida con 'Amour' no Festival das Cóxegas
Por Redacción & Diego Torrado |
-
O Festival das Cóxegas volve o domingo con danza contemporánea para a infancia
Por Redacción |
-
Acrobacias e números de circo fan rir no Festival das Cóxegas
Por Diego Torrado |
-
A fantástica viaxe de Jonás o espermatozoide fai parada no Pazo da Cultura
Por Diego Torrado |