![](/web/cache/scene/uploads/fotos/foto/aff/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/58ea7073f2-img_4953.jpg)
© Fundación Amigos do Camiño Portugués
Unha exposición 'marida' obras de oito pintores con adegas galegas e portuguesas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/291/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/58ea70189b-img_4918.jpg)
© Fundación Amigos do Camiño Portugués
A sala de exposicións da Escola de Restauración, situada na facultade de Belas Artes de Pontevedra, acolle ata o próximo 23 de abril unha curiosa exposición.
A mostra, baixo o título Camiños: O Camiño, A Arte, O Viño, ofrece unha maridaxe entre a obra de oito pintores e as fotografías de adegas portuguesas e galegas.
Nela participan os pintores Álex Vázquez, J.M. Berreiro, Puri del Palacio, Luz Lafuente, Kuki Pazos, Mario Rocha, Amelia Palacios e Paco Sánchez-Ulloa.
Os seus cadros comparten protagonismo coas fotografías de Xulio Gil e as adegas portuguesas Peixoto Rodrigues, Casa da Reina, Campelo e Buganvilía e as galegas Martin Codax, Pedralonga, Moraima, Eidos e Gran Vinum.
A mostra foi inaugurada coa presenza dos alcaldes de Pontevedra, Vilanova de Arousa e Barro, o presidente da Fundación Amigos do Camiño Portugués, Tino Lores, e un representante da Asociación Espazo Xacobeo de Portugal.