Unha exposición pensada para ser tocada
Por Mónica Patxot & Oskar Viéitez
Tomando o relevo de Tactilicia, o proxecto impulsado hai dous anos desde a delegación de alumnado que convidaba aos estudantes a crear obras para persoas invidentes, obras que fosen percibidas a través do tacto, a Casa das Campás acolle o Proxecto Táctil, unha exposición comisariada pola decana, Silvia García, para a que foron seleccionadas as creacións de dez alumnas "pola súa especial condición táctil de texturas e procedementos".
A exposición permanecerá na sede da Vicerreitoría ata o 23 de xuño.
Este percorrido, como salientou García, "vai axudar a un dos obxectivos" dunha exposición que conta tamén coa colaboración do Centro de Recursos Educativos (CRE) da ONCE, "concienciar sobre a discapacidade visual" e contribuír así "a que as novas xeracións teñan conciencias barreiras arquitectónicas e de como na nosa vida diaria non pensamos nas persoas que teñen algún tipo de discapacidade".
As obras acompáñanse de cartelas e dunha folla de sala en braille e os visitantes sen problemas de visión dispoñen dun anteface para percorrela.
Relacionadas:
-
A ONCE ensinará ao persoal do Museo como tratar ás persoas cegas
Por Oskar Viéitez |
-
O CRE da ONCE en Pontevedra dará apoio a 356 alumnos cegos que se incorporan ás aulas en toda Galicia
Por Redacción |
-
Unha canción altruísta para unir a mozos cegos de España e Irlanda
Por Redacción |
-
A arte está nas súas mans
Por Redacción & Daniel Santomé |
-
A ONCE acolle a exposición 'Mirando coas mans'
Por Daniel Santomé |