O chorro de voz e a intensidade de DeRobert Adams asolagan a praza da Ferrería
Por Diego Torrado
Intensidade vocal e estilo propio son as principais características do vocalista DeRobert Adams, que na noite deste martes fixo vibrar ao público que volveu encher a praza da Ferrería para seguir o penúltimo concerto do 25 aniversario do Festival Internacional de Jazz e Blues de Pontevedra.
DeRobert Adams, acompañado pola súa banda The Half Truths, mostraba o seu propio estilo aos espectadores pontevedreses, o Nashville Soul, no que as letras das composicións cobran especial importancia polas súas referencias á pobreza e á loita social.
Este mércores finalizan os concertos de jazz na praza da Ferrería coa actuación da gran estrela desta edición. O cantante e compositor norteamericano Gregory Porter subirá ao palco ás 22.30 horas para asombrar coa súa presenza escénica e coa súa atractiva voz. Actualmente está considerado o máis destacado vocalista e compositor de jazz e de soul da súa xeración, segundo a revista especializada DownBeat. Quen o ten visto en directo di que hipnotiza co seu timbre vocal. O seu repertorio percorre desde a música tradicional afroamericana ata o rythm&blues pasando polo jazz máis clásico.
Relacionadas:
-
Gregory Porter, unha voz de ouro que pon fin ao 25 Festival Internacional de Jazz
Por Diego Torrado |
-
O teclista Cory Henry ofrece soul e diversión no Festival Internacional de Jazz
Por Diego Torrado |
-
O jazz rítmico de Santi Quintáns deixa paso á chegada do espectacular Cory Henry
Por Diego Torrado |
-
RADIO.- Espérase un importante número de público estranxeiro para o XXV Festival Internacional de Jazz
Por Marisa Ciordia |