Música en directo para gozar do mellor cine no FICBUEU
Por Almu Dapena
O Festival Internacional de Curtametraxes de Bueu celebrarase entre o 6 e 14 de setembro e os concertos en directo serán os protagonistas.
A XII edición do festival empezará o 6 de setembro ás 20:00 horas cun concerto ambiental nas inmediacións do Centro Social do Mar, onde membros da Asociación de Jazz de Bueu (AJB Collective) poñerán a ton o saxo, a batería e o banjo para a inauguración desta nova edición.
Ás 22:30 horas da mesma xornada, a música trasladarase ao interior do auditorio coa actividade 'Panorama do cinema mudo: 15 anos de pioneiros dá sétima arte (1902-1917)' da man de Caspervek Trío. O grupo poñeralle a música en directo ás grandes obras do cinema de Mèlies, De Chomón, Chaplin, Guy e Griffit.
Durante a fin de semana continuará a música coas sesións vermú que se desenvolverán no exterior do Centro Social do Mar a partir das 12:30 horas. O sábado 7 o público poderá gozar da música do dúo High Paw meets Mr. Mou e ás 22:30 do concerto do artista barcelonés Enric Montefusco, para o que xa se poden adquirir as entradas na páxina web do FICBUEU. Pola súa banda, Iván Rodríguez Covers actuará o domingo versionando clásicos do pop e do rock para amenizar a sesión vermú.
O ultimo día do festival, o sábado 14, o grupo The Swinging Flamingos trasladará ao público á Nova Orleans dos anos 20. Será un concerto con moito swing que reúne a esencia das big bands norteamericanas. Celebrarase ás 20:00 horas e xunto con PunkInfantil e a música dos programas de radio, como de Agoraphobia en 'Carne cruda', que darán paso á Gala de Clausura do FICBUEU 2019.
Relacionadas:
-
RADIO.- Conta atrás para o FICBUEU, cultura a rebordar durante nove días
Por Marisa Ciordia |
-
Récord na duodécima edición do FICBUEU con 128 filmes e 65 actividades programadas
Por Almu Dapena |
-
O FICBUEU máis social: como premio, unha cerámica elaborada por internos do cárcere da Lama
Por Natalia Puga |
-
O paso da curta á longa, a dirección de arte e a produción centran as charlas do FICBUEU 2019
Por Redacción |
-
O Mini-FIC, unha completa axenda de actividades para a rapazada para pechar o FICBUEU 2019
Por Redacción |
-
Saen á venda as entradas e abonos para as seccións competitivas e a gala do FICBUEU 2019
Por Redacción |